اولاد الامير تادرس الشطبى بالمعصره
عزيزى الزائر
مرحبا بك فى منتدى اولاد الامير تادس بالمعصره
يسعدنا تسجيل اسمك فى المنتدى


انضم إلى المنتدى ، فالأمر سريع وسهل

اولاد الامير تادرس الشطبى بالمعصره
عزيزى الزائر
مرحبا بك فى منتدى اولاد الامير تادس بالمعصره
يسعدنا تسجيل اسمك فى المنتدى
اولاد الامير تادرس الشطبى بالمعصره
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

عايز اتغير يا ابويا ؟؟؟ انا تعبان وحاسس انى مزعلك

اذهب الى الأسفل

عايز اتغير يا ابويا ؟؟؟ انا تعبان وحاسس انى مزعلك Empty عايز اتغير يا ابويا ؟؟؟ انا تعبان وحاسس انى مزعلك

مُساهمة  Admin الخميس يوليو 26, 2012 11:44 am

حاسس انى مزعلك ... مش كدة؟؟

تصرفاتى واسلوب حياتى مش عجباك ... مش كدة؟؟

بتكلم عنك كتير لكن مش بكلمك ... مش كدة؟؟

كل يوم بوعدك انى هتغير ومش بوفى ... مش كدة؟؟

بقول انك ابويا وحبيبى وانت آخر شخص بفكر فيه ...مش كدة؟؟

مستنيك دايما تسامحنى ,,,

وانا بزعل ومش بسامح على اقل حاجة ... مش كدة؟؟

بتكلم كتير مع كل الناس ,,

وعندك انت بتعب وبيتقل عليا النوم والارهاق ... مش كدة؟؟

بقضى وقت كتير فى حاجات ملهاش لازمة ,,

ووقتى معاك باعتبره عبىء تقيل عليا ... مش كدة؟؟

بقرا مجلات وكتب كتير بمتعة,,

واجى عند كتابك المقدس وبحس بملل وعدم فهم ... مش كدة؟؟

بروح الخدمة باستمرار وبقول انى بخدمك ,,

لكن الحقيقة انا بحب نفسى ... مش كدة؟؟

بروح الكنيسة وبحضر اجتماعات وفاكر نفسى بعمل عمل عظيم ,,

لكنى من جوة فاضى ... مش كدة؟؟

بتوب عن خطايا كتير وبرجع اعملهم تانى ,,

لانى مش مهتم بتوبتى ... مش كدة؟؟

بسمع صوت ناس كتير وبصدق كلامهم,,

ولكن صوتك انت بطنشه وانا عارف انك بتنده ... مش كدة؟؟

بدور على الحب وبشحت الحب من العالم

رغم انك ممكن تشبعنى حب وتغمرنى ... مش كدة؟؟

بعاملك بقسوة وبتهمك احياناً بانك مش فاكرنى وسايبنى تعبان ... مش كدة؟؟

لما صديق يسيبنى ولا حبيب يجرحنى,,



بحس ان الدنيا سودا وبنساك بنساك … مش كدة؟؟

بانسى صليبك وبعتبره ذكريات متخصنيش ,,

ومش حاسس انى انا السبب...مش كدة؟؟

بسمح لأفكار كتير تتعبنى ومش بفكر اشغل تفكيرى بيك ... مش كدة؟؟

وناسى انك انت المفروض تكون هدف حياتى ... مش كدة؟؟

ياااااااااااااااااااااه يا ربى

انا عارف اد ايه انا تاعبك معايا

اد ايه انت حنين ومستحملنى

انا بجد مش عارف اقولك ايه

يا اجمل اب واجمل صديق واجمل وجود فى الوجود

ربى بجد انا بحبك

متزعلش منى انا بحبك بحبك

وان كانت كل حياتى ممكن تظهر غير دة

لكن صدقنى بحبك

جوايا بيحبك

ولما ببعد عنك بتعب

سامحنى ارجوك

عارف انى ماستاهلش

لكن عارف برضه

انى ابنك

ارجوك ارفعنى وساعدنى اتغير

انا بجد عاوز اتغير

عاوز اتغير

هتساعدنى يا بويا ... مش كدة؟؟

اكيد هتساعدنى يا ابويا
Admin
Admin
Admin

عدد المساهمات : 124
تاريخ التسجيل : 16/07/2012
العمر : 43

https://awladelamerbelma3sra.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى