رباعيات ايمن جابر

ليل الغربه طويل مالوش اخر
والقلب تعبان وموجوع على الاخر
اقوله اخلص ياليل وهات من الاخر
يقولى عمرى من عمرك
وهاخلص بس فى الاخر
-----------------------
ياقطر العمر امشى لقدام على طول
ياتمشى يمين ياتمشى شمال على طول
مالك دايما تايه وتملى سرحان على طول
قالى طب قولى
فين العرض فى حياتك وفين الطول
-------------
صاحبى وصاحبك على القهوه والدنيا مصالح
مولد يا دنيا فيكى اللئيم عمل صالح
ولما احتاج لى عمل صاحبى وكل شئ صالح
وفى ضيقى سابنى وقال ماليش صالح
------------
يارب ماتقولى ليه الدنيا ماشيه معايا بالمقلوب
قلت اعيش راهب قالت لى وانا امراه لعوب
ولما نويت اعيش خاطئ
قالت لى معلش انا عايزه اتوب
---------
حب الكل وكاتم اسرارك يكون واحد
وبلاش تعيش لوحدك دا اتنين احسن من واحد
واياك تشيل الهم واتكل على الواحد
دا ربك كبير مابينساش ولا واحد
------